A Xunta de Galicia redactará os plans estruturantes de ordenación de solo empresarial (PEOSE) para a ampliación dos parques empresariais de A Sionlla, A Estrada, Xove e Pereiro de Aguiar, así como para desenvolver o novo parque empresarial de Louredo (Mos), tal e como autorizou a semana pasada o Consello de Administración da empresa pública Xestur. Ademais, durante a reunión tamén se adxudicou a redacción do PEOSE correspondente ao polígono de Santa Comba.

En Mos o goberno galego autorizou licitar o contrato para a redacción do PEOSE do novo parque empresarial de Mos, que se emprazará en Louredo e terá unha superficie prevista de preto de 480.000 metros cadrados. A redacción do referido plan licítase por importe de 290.309,04 euros IVE incluído.