O Auditorio Mar de Vigo será testemuña este martes 4 de abril do intenso show de Steve Vai, quen se presentará novamente no noso país co seu disco “Inviolate”, ademais dunha selección destacada do seu repertorio. Un concerto imperdible onde o guitarrista presentará o seu novo álbum con singles como “Little Pretty” e “Zeus In Chains”, ademais doutros cortes como “Teeth Of The Hydra”, clásicos como “For The Love Of God”, e moito máis, nunha única cita en Galicia na despregará todo o seu virtuosismo nas seis cordas.

'Inviolate' é o noveno álbum de estudo en solitario de Steve Vai. Nel, unha nova colección de cancións instrumentais, introduce novas e virtuosas técnicas e demostra ao mesmo tempo a súa habilidade para a construción de melodías. Os baterías Vinnie Colaiuta, Terry Bozzio e Jeremy Colson, os baixistas Billy Sheehan, Philip Bynoe, Bryan Beller e Henrik Linder e o teclista David Rosenthal acompañan na gravación á exhibición de Vai á guitarra, nunhas cancións con estruturas de jazz e de blues nas que aparecen notas inesperadas e efectos cegadores.

Este inclasificable alquimista de alto nivel atrapou ao longo dos anos a fans de todos os xéneros grazas ás súas habilidades excepcionais para tocar a guitarra. Conta cunha impecable traxectoria de máis de 40 anos na industria da música, na que vendeu máis de 15 millóns de discos, foi recoñecido con tres premios Grammy e gravou con lendas da música como Frank Zappa, David Le Roth ou Whitesnake entre outros moitos.

Na súa última visita ao Auditorio Mar de Vigo, Steve Vai colgou o cartel de “entradas esgotadas”. As localidades para a actuación de mañá martes poden mercarse a través da web do Auditorio Mar de Vigo ou na billeterawww.teuticket.com