A concellería de formación e emprego porá en marcha neste mes de abril, no CDL de O Torrón dúas formacións destinadas a orientar e formar ás persoas desempregadas para que melloren a súa procura activa de emprego.

A primeira delas denominada “Trámites SPEG e SEPE” se desenvolverá o 14 de abril dende as 10:30 e terá unha duración de 2 horas. Na mesma tratarase de informar as persoas participantes dos trámites administrativos máis habituais que teñen que realizar como desempregadas dende solicitar cita, renovar a demanda de emprego ata obter o certificado da súa vida laboral.

A segunda das accións formativa denominada “Inscrición en portais de emprego e ETT´s se celebrará o 21 de abril dende as 10:30 e contará igualmente con 2 hora de duración. Nesta acción tratarase de formar ás persoas participantes para que poidan aprender como rexistrarse nos diferentes portais de emprego e nas empresas de traballo temporais e poidan así planificar e incrementar as posibilidades de éxito na súa procura de emprego.

Verónica Tourón alcaldesa e concelleira de emprego e formación: “A formación na procura de emprego é unha excelente ferramenta para as persoas desempregadas que ten como finalidade que poidan atopar empregos adaptados as características dos seus perfís laborais á maior brevidade posible. Dende o concello apostamos por estas actuacións para mellorar a capacidade de inserción laboral das persoas no mercado de traballo”.