A concellería de Educación e a OMIX están a levar a cabo nos centros educativos de Porriño uns obradoiros moi especiais: os obradoiros de educación en valores asistidos por cans de terapia. Nesta actividade participan 206 alumnos e alumnas de segundo de primaria de diferentes colexios da zona.

Estes obradoiros teñen como obxectivo trasladar os beneficios que a presenza de animais pode ter no entorno escolar, a fin de traballar valores transversais e fomentar a posesión responsable de mascotas. Carolina González, concelleira de Educación, explicou que a actividade tamén se enfoca en traballar a compañeirismo, o respecto, a integración, a solidariedade e a autoestima, así como os hábitos de hixiene e alimentación saudable.

Nestes obradoiros, os alumnos e alumnas abordan temas como a educación en positivo, o acoso escolar e os contratempos derivados de problemas de conducta, sempre a través dunha metodoloxía activa, participativa, lúdica e integradora.