O candidato a alcaldía polo BNG, César Gil, xunto con parte da candidatura acompañou a visita da alcaldesa de Allariz pola vila termal, paseo que rematou nun coloquio co un numeroso grupo de veciños e veciñas da localidade. Cid fixo fincapé na necesidade de poñer en valor o patrimonio e a historia de Mondariz Balneario como factor diferencial para potenciar a economía local, e advertiu da necesidade de construír proxectos sólidos e realistas, a medio e longo prazo, que marquen como obxectivo mellorar a calidade de vida da veciñanza, gobernar  para a maioría no tempo, non con miras curtopracistas para non perder votos.

Pola súa banda César Gil destacou a necesidade dun cambio de rumbo no Concello. Mondariz Balneario leva parado no tempo máis de 20 anos e necesita un proxecto claro a curto, medio e longo prazo, un proxecto que reverta a situación actual e poña a funcionar o concello, comezando polo mais básico pero coa vista posta no futuro. O PP xa demostrou non ter capacidade nin ideas, o seu proxecto esta esgotado. A veciñanza xa coñece as súas mañas, estamos acostumados a propaganda electoral que logo queda en nada. O concello necesita xente honesta, que teña ideas e gañas para mellorar a vila.