A delegada territorial da Xunta de Galicia en Vigo, Marta Fernández-Tapias, participou este sábado nos actos benéficos de conmemoración do 150 aniversario do Colexio Apóstolo Santiago organizados pola Fundación Balms para a Infancia e a Asociación de Antigos Alumnos. Unha exposición fotográfica sobre o centro escolar acompañou á XI Cea-Cóctel Benéfica celebrada no Pazo dos Escudos.

A representante autonómica destacou durante a súa intervención o carácter “inclusivo, transversal e aberto á cidade” do centro escolar polo que pasaron uns 20.000 alumnos. “Estamos tamén moi agradecidos porque Xesuítas é un lugar inclusivo e integrador, cun gran número de alumnos con necesidades especiais de todo perfil e un colexio de referencia para moitas familias en Vigo”, sinalou Fernández-Tapias.