Os Bombeiros de Vigo encargáronse das tarefas para retirar ao implicado, que a continuación foi trasladado ao Hospital Álvaro Cunqueiro.

Un traballador dun albergue situado na rúa de Marqués de Valterra alertou ao 112 Galicia, dez minutos antes das 23 horas, de que unha persoa sufrira unha caída no baño das instalacións, quedándolle a cabeza atrapada no oco existente entre unha das portas e o chan. Os particulares que se atopaban no lugar eran incapaces de retiralo, polo que solicitaban a colaboración dos servizos de emerxencias.

Sen máis dilación, os xestores do 112 Galicia informaron a de Urxencias Sanitarias de Galicia-061, á Policía Nacional e Local e aos Bombeiros de Vigo.

Foron precisamente estes últimos os que se encargaron da liberación da persoa implicada, á que finalmente o persoal sanitario evacuou en ambulancia ao Hospital Álvaro Cunqueiro.