222 alumnas e alumnos participan estes días na actividade RE-COÑECÉNDONOS: Bautismo de Surf, organizada polo Concello do Porriño, a través da Concellería de Sanidade e a OMIX co obxectivo de promover entre a mocidade hábitos de vida saudable.

A educación para a saúde, ademais de ser un dereito, é unha finalidade educativa en si mesma. Por iso, a través desta actividade, preténdese que o alumnado reflexione sobre a forma que ten de ocupar o seu tempo libre, valore a importancia que ten o lecer para o seu Desenvolvemento persoal e social e sexa consciente das alternativas das que dispón, en definitiva, que reflexione sobre a estreita vinculación entre o consumo xuvenil de drogas e o lecer. Ademais, traballarase a tolerancia e a cooperación, abordando de forma implícita o entendemento, o apoio, o respecto mutuo, a coordinación e a cooperación.

Esta actividade desenvolvese na praia de Patos e está financiada pola Consellería de Sanidade da Xunta de Galicia.