Na media noite do xoves empeza a campaña electoral de cara as vindeiras municipais do mes de maio, sendo unhas citas cruciais para as administracións locais.

No caso dos socialistas de Mos, deciden facer o seu comezo de campaña en As Pozas na parroquia de Petelos. Espazo que conxuga a localización dun dos seus proxecto máis importantes, crear un novo concello cun centro urbano e cunha area a desenvolver.

Victoria Alonso, candidato dos socialista, traslada este como un dos seus proxectos de maior relevancia pola importancia de dotar a localidade dun espazo que sexa o núcleo do concello e recorda que a pesares de ser un concello de máis de 15.000 habitantes non teñen o seu desexado núcleo coma calquera outro concello. Fai fincapé no feito da falta dun plan urbanístico para Mos, que é no que levan estes anos traballando para darlle a veciñanza un proxecto firme e maduro.

Alonso adiante que neste enclave iría un novo concello, tan necesario para a localidade, que permita xuntar tódolos departamentos nunha soa infraestructura, unha area verde e de ocio na que se integraría o Castro de Torroso, poñendo en valor desta maneira os espazos naturais e patrimoniais do concello, unha praza que de cabida a establecementos do comercio local e dotas toda esta zona dos servizos necesarios para o desenvolvemento urbanístico e que se converta nunha zona residencial.

Debido a gran importancia deste proxecto, a candidata dos socialistas, quere trasladar a veciñanza a súa implicación co mesmo a través deste deito coma que é o inicio da campaña que a súa vez está cargado de simbolismo. Convida a toda a veciñanza a coñecer o seu programa, que di estar composto para dar solución as necesidades da veciñanza e pide que se madure a decisión de a quen votar debido a todo o que Mos se xoga nesta cita. Alonso remata dicindo que ela e o seu equipo están cargados de ganas e ilusión para empezar a traballar por un Mos diferente e sen dúbida, un Mos mellor.