O pasado sábado 13 de maio, o auditorio de Torroso foi testemuña do solemne acto de gradación da II promoción do grao profesional no Conservatorio. Un total de 15 estudantes de diferentes especialidades, como frauta, violín, viola, contrabaixo, guitarra, gaita ou trompeta, concluíron exitosamente os seus estudos.

A cerimonia de gradación contou coa destacada presenza do Vicedirector do Conservatorio Superior de Música de Vigo, Jacobo Gaspar Grandal, quen actuou como padriño dos graduados. Ademais, estiveron presentes os mestres das distintas especialidades e materias do Conservatorio, a Alcaldesa de Mos, Nidia Arévalo, así como outros membros da corporación municipal e os pais e familiares dos estudantes.

Apertura de matrícula para o curso 2023/2024

Doutra banda, desde a Escola e o Conservatorio de Torroso, infórmase que se abriu o prazo de solicitude para o próximo curso 2023/2024, cun número limitado de prazas dispoñibles.

Os interesados e as interesadas poderán obter máis información chamando aos teléfonos 986 338 325 e 621 226 680.