A rúa Aragón queda este venres aberta ao tráfico coa consecución das obras da cuarta fase de humanización, a excepción do traballo de pintado, que está a expensas da situación meteorolóxica. O tramo comprendido entre o número 185 e o cruzamento con Travesía dos Rosais, cun orzamento superior aos 623.000 euros, sufriran un atraso sobre o prazo previsto por problemas na canalización das liñas eléctricas.

Ademais, deste esta fin de semana quedou aberta ao tráfico a rúa Romil, onde están rematando os traballos de xardinería que recolle o proxecto de humanización cun orzamento de 1.250.000 euros, unha parte deles procedentes dos Fondos Europeos Next Generation EU dentro do marco do Plan de Recuperación, Transformación e Resiliencia.