O próximo 30 de decembro, chegará ao Auditorio Mar de Vigo, con dobre sesión,o espectáculo orixinal de La Granja de Zenón, o fenómeno infantil inspirado na serie creada pola exitosa canle El Reino Infantil. Con máis de 53 millóns de subscritores na súa canle de Youtube e unha suma de 56 billóns de visualizacións nos seus vídeos, La Granja de Zenón converteuse nun dos maiores éxitos infantís da historia.

Bartolito o galo, A vaca Lola, Pepe o loro, o cabalo Percherón ou o propio Zenón suman máis de 800 vídeos, superando en visitas a outras canles internacionais de Youtube como Disney Channel ou Nickelodeon.

Vigo será unha das cidades elixidas para gozar antes de que acabe o ano deste marabilloso show. Estreado en Buenos Aires (Arxentina) en 2020 xa virou por países como Arxentina, Chile, Colombia e México e foi visto por máis de 1.000.000 espectadores. Agora “El Gran Gallo” chega a España, país que inaugura a súa xira europea.

Nesta nova aposta, xurdida da colaboración entre El Reino Infantil, Sold Out e Eventos MPH, os máis pequenos da familia (nenos de 0 a 6 anos) poderán gozar dunha experiencia exclusiva cun despregamento técnico único para eventos deste tipo. O espectáculo conta cunha gran escenografía de máis de 200 metros cadrados de pantallas led e efectos de última xeración que permitirán aos máis pequenos vivir as aventuras dos seus personaxes favoritos dunha maneira única.

Máis de 10 actores dan vida aos personaxes de La Granja de Zenón en “El Gran gallo”, o segundo espectáculo oficial da marca. Profunda en valores como o amor, a solidariedade, a amizade e o coidado do planeta. Un gran evento de entretemento, con enfoque familiar e experiencial, que sen dúbida constituirá o maior éxito da tempada no sector de eventos infantís.

La Granja de Zenón únese á programación familiar do Auditorio Mar de Vigo, na que tamén destacan espectáculos de maxia como o do gran El Mago Yunke o día 11 de xuño ou Disney Rock, El Musical o 18 de xuño, brindando unha ampla oferta de entretemento para gozar en familia e crear momentos inesquecibles.

O fenómeno La Granja de Zenón

La Granja de Zenón é a segunda serie creada pola exitosa canle El Reino Infantill, foi lanzada en xuño de 2011 e nestes 12 anos conseguiu converterse nun referente do imaxinario infantil de medio mundo con máis de 26 millóns de subscritores na súa canle de Youtube. 

A serie trata sobre un agricultor chamado Zenón, dono dunha granxa con animais parlantes cos que tamén son os seus amigos; algúns dos animais da súa granxa son Bartolito o galo, A vaca Lola, Pepe o loro, Percherón o cabalo, entre outros. Zenón ten tres sobriños chamados María, Juan e Tito que principalmente veñen para xogar. Zenón e os animais ven miúdo entrando en situacións estrañas ao redor da granxa