Desde a Consellería de Sanidade lévanse tomado importantes medidas das que se beneficia o centro de saúde de Ponteareas, como a aprobación dunha lei pola que se poden convocar prazas fixas de médicos a través dun proceso moi áxil que non require a realización dun exame de aceso. Esta nova lei permitiu no ano pasado cubrir 3 prazas vacantes de médico de familia e neste ano permitirá cubrir 1 praza de médico de familia e 2 pediatras.

"O grave problema de falta de profesionais sanitarios, especialmente de médicos de familia, que está sufrindo o SERGAS afecta ao conxunto de todo o estado español. Por iso, desde a Xunta de Galicia lévase mais de 4 anos pedindo ao Goberno de España que tome medidas urxentes  que permitan incrementar a oferta de prazas de formación de médicos de atención primaria" explican dende o Partido Popular de Ponteareas.

A nova lei da Xunta de Galicia foi rexeitada polo BNG, e a candidata do mesmo partido de Ponteareas parece estar de acordo con ese rexeitamento.  A maiores, Cristiña Fernández e o seu equipo, votaron en contra fai escasos mesos no Pleno do Concello a unha petición realizada polo grupo municipal do PP, na que se face a petición á Xunta de Galicia de engadir o maior número de prazas posibles de médico para o centro de saúde de Ponteareas.

É dicir, a candidata do BNG de Ponteareas e actual alcaldesa en funcións non apoiou a cobertura das prazas no noso centro de saúde. Por iso queremos destacar que o BNG di unha cousa na opinión pública, pero nos órganos de decisión vota o contrario. “Non vaia ser que os postos de pediatría se ocupen, que os postos de médico se cubran, que os tempos de atención melloren e que a Sra. Cristiña Fernández se lle acabe o discurso”.

Esta é a liña política é o modus operandi habitual do BNG e da candidata, e tamén é unha das razons que explica a importante perda de apoios nas urnas o pasado 28M. O que ten que facer é autocrítica da sua xestion, deixar de utilizar a xestión da Xunta desde o Concello e centrarse en preparar o traspaso de poderes do día 17.

A nós non nos atoparán nese xogo, polo que continuaremos traballando dende o Concello de Ponteareas para tratar de mellorar esta situación desde as nosas competencias, como é a inminente posta a disposición da Xunta de Galicia os terreos para a construción dun novo centro de saúde que permita mellorar as condicións de traballo d@s profesionais, con máis salas para persoal sanitario e poder así facer máis atractivas esas prazas para os médicos de familia.