A diferenza doutras comunidades autónomas, Galicia non ten aplicacións procesuais propias e depende das do Ministerio de Xustiza que é o que as actualiza. Pero as actualizacións dos programas “Minerva” e “Fortuny” non chegan a Galicia ata moitos meses despois de que o Ministerio as instalase, o que ocasiona que a xustiza galega estea no furgón de cola da modernización tecnolóxica.

Por outra banda, os servidores de indexación que utiliza AMTEGA están desfasados e quédanse curtos para o volume que teñen que manexar. Eses servidores o que fan é comunicarse cun servidor central onde se almacena a información que teñen que trasladar aos xulgados pero, como non teñen a capacidade suficiente, os datos circulan con moita lentitude. Ao que hai que engadir que a rede de comunicación que ten montada AMTEGA ten defectos de configuración que provocan continuos microcortes no servizo, polo que en moitas ocasións non se cargan debidamente as demandas e escritos.

A consecuencia de todo isto é que os 2.800 funcionarios e funcionarias que traballan na xustiza galega vense obrigados a pasar horas de espera para que se cargue a información e execútense os programas que necesitan para realizar o seu labor.

Segundo un estudo realizado por UGT-Xustiza, no último ano perdéronse 550.000 horas de traballo debido á precariedade tecnolóxica na Administración de xustiza en Galicia e os casos de tensións multiplicáronse por tres, debido a que os traballadores e traballadoras séntense impotentes ante unha pantalla na que aparece un reloxo de area dando voltas durante moitos minutos (os que tarda en cargar a información), sen que eles poidan realizar o seu traballo.

No último ano, UGT denunciou reiteradamente ante a Consellería que AMTEGA non está a cumprir coas súas obrigacións, e que na xustiza galega estamos no paleolítico da modernización tecnolóxica. Con todo, fíxose caso omiso e a diario séguense perdendo miles de horas de traballo na Administración de xustiza nesta Comunidade.