A saúde é algo moi serio, por iso é mellor tomarlla con humor. Así o cre esta enfermeira que percorre os corredores a fume de carozo e que na sonda do vento analiza con detalle as mostras dos seus pacientes e todo o que lle rodea. Desde o complicado que é aparcar nos hospitais ata as ceas de empresa, pasando por todo o catálogo de cacharritos para revisarnos a saúde en casa, os contrasinais imposibles de lembrar ou os momentos máis surrealistas vividos na porta de Urxencias e no laboratorio.

Porque aínda que non o creamos para a análise de feces é suficiente unha mostra do tamaño dunha noz. Unha divertida viaxe ao corazón dun hospital que ben podería ser o noso. Porque o humor non cura as feridas nin acaba coas listas de espera, pero polo menos faio todo máis soportable.