Unha vez maís o Bádminton salvaterrense é noticia. Xa sexa pola exitosa carreira de Lucía ou, coma neste caso, os rapaces e rapazas que veñen do Campionato Galego das distintas modalidades e categorías.

Adrián Rodríguez, Carlos Segovia, Aitana Pino, Xulia Otero, Iker Otero, Xoel Álvarez, Iago Álvarez, Carlota Balboa, Inés Lemos, Eva Lemos e Pablo Fernández, acadaron moi bos resultados no pasado Campionato Galego, comezando a situarse na élite no bádminton nacional.

Na categoría sub 19 na modalidade de DM, Adrián Rodríguez acadou un bronce xunto ao seu compañeiro Xoel Rodríguez (este último e outro participante co mesmo nome que o salvaterrense).

O mesmo Adrián Rodríguez foi quen de conseguir o ouro en IM sub 17 repetindo 1º posto no DM tamén xunto a Xoel.

Carlos Segovia acadou o bronce no DX sub 17 xunto a Marta Álvarez.

Na categoría sub 15, en IM Carlos saliu subcampión, resultando vencedor en DX xunto a Marta.

Aitana Pino pola súa parte, chegou á medalla de bronce en DF sub 17 xunto a Lina Alves.

Xulia Otero segue crecendo a pasos axigantados neste deporte, acadando o subcampionato IF sub 15 e o bronce na modalidade de DF xunto a Maia Freire.

Iker Otero, irmán de Xulia ven de acadar un 2º posto en DM sub 17.

Os irmáns Iago e Xoel Álvarez veñen de situarse no 3º caixón do podio no DM sub 15 sendo Xoel, na categoría sub 11 o auténtico protagonista, vencendo o IM e o DM xunto a Álvaro Gómez e o DX xunto a Inés Lemos.

Carlota Balboa tamén chegou a medalla de bronce no DF sub 15 coa súa compañeira Elena Fontenla.

As irmás Eva e Inés Lemos tamén foron o centro de todas as miradas do IF sub 11 conseguindo ous dos caixóns máis altos do podio, sendo Inés a gañadora, repetindo xuntas ouro no DF da mesma categoría. Ademáis, no DX Inés resultou gañadora xunto a Xoel mentres que Eva acadaba un moi meritorio 3º posto.

Tamén resultou exitoso Pablo Fernández, quen, ademáis de conseguir un bronce en DM sub 11 xunto a Álvaro Yáñez, repetía posición no DX da mesma categoría. Sen dúbida un gran resultado tendo en conta que este neno todavía é sub 9.

Polo tanto, estamos falando dun éxito rotundo d@s nos@s promesas do bádminton, quenes sitúan a Salvaterra na élite nacional dun deporte que cada vez cobra máis relevancia.

A tod@s el@s, parabéns e folgos para seguir aprendendo e medrando no mundo do bádminton, empapándose dos valores propios e saudables do deporte e que desfruten da viaxe que lles queda por diante.