O vindeiro venres 30 de xuño, no local da comunidade de montes de Pereiras, celebrarase a presentación da terceira fase de excavacións do "Castro de Pereiras".

Aproveitarase para presentar o mini documental "Descubrindo o Castro de Pereiras", realizado o ano pasado na segunda intervención co obxectivo de dar a coñecer o castro, e así mesmo tamén será útil nas próximas visitas de escolares, xa que nel amósase o proceso de excavacións e as explicacións do director dos traballos, Mario Pereiro.

A esta presentación asistirán todos os comuneiros/as, veciños/as e asociacións da parroquia, ademais da Corporación Municipal e todos/as aqueles que estean interesados/as no castro.