A número 1 do Partido Popular de Pontevedra ao Congreso, Ana Pastor, denunciou hoxe que as familias son máis pobres desde que goberna Pedro Sánchez. “A deriva do sanchismo lévanos a unha situación complicada, porque hoxe somos máis pobres que hai cinco anos. Temos menos poder adquisitivo, e unha compra que antes custaba 50 euros, hoxe nos vale case o dobre”, sinalou a candidata durante a visita que fixo esta mañá a Ponteareas, onde percorreu as rúas do centro acompañada pola alcaldesa Nava Castro e os candidatos ao Senado, Nidia Arévalo e Andrés Sampedro,

Nesta liña, subliñou que unha das primeiras medidas que tomará o Goberno de Núñez Feijóo para recuperar o poder adquisitivo perdido polas familias será deflactar o IRPF, baixar o IVA das carnes, pescados e conservas, e recuperar temporalmente a dedución por adquisición ou rehabilitación de vivenda.

Por iso, pediu o voto “a todas as persoas que queren que as cousas cambien, que creen que chegou o momento de ter tranquilidade, de deixar atrás os enfrontamentos e sobre todo, que queren políticas que cheguen a todos os territorios e cidadáns”.

Durante o percorrido, tivo ocasión de explicar á cidadanía que o modelo do PP ofrece menos impostos, máis emprego, máis e mellores servizos públicos e maior crecemento económico. Nesta liña, os populares recordaron que é un modelo que xa coñecen e que xa está funcionando en Galicia, e que se porá en práctica en toda España a partir do 23 de xullo. “Outro modo de gobernar é posible. Hai dúas opcións: votar a Núñez Feijóo ou votar ao Sanchismo e ao Goberno Frankenstein que tantos desgustos, desazón e enfrontamentos provocou”