PROVINCIA DE PONTEVEDRA
O Trío Caldo ofrece este martes 18 un concerto no castelo de Sobroso
A deputada provincial Nava Castro asistirá a esta cita na que María Jorge (violín), Anaïs Barbier (voz e pandeireta) e Pedro Fariñas (guitarra e gaita) achegan a música tradicional a contextos sonoros contemporáneos a través da experimentación cos instrumentos
A música encherá este martes 18 de xullo o Castelo de Sobroso da man do grupo Caldo, cun concerto enmarcado no programa da Deputación de Pontevedra “Tras as Ameas”. A deputada provincial Nava Castro asistirá a esta cita na que o trío integrado por María Jorge (violín), Anaïs Barbier (voz e pandereta) e Pedro Fariñas (guitarra e gaita) ofrecerán unha proposta a base da fusión de melodías tradicionais galegas e composicións propias, con influencias das músicas europeas e atlánticas. A actuación comezará ás 22 horas diante da fachada do Castelo e ten xa todas as entradas esgotadas.
Caldo, afincado no Val Miñor, achega a música tradicional a contextos sonoros contemporáneos a través da experimentación cos propios instrumentos. Foi gañador ao Mellor Proxecto de Música Folk nos Premios Martín Códax da Música e do Concurso Fran Pérez “Narf” no ano 2020. Para o seu primeiro disco, gravado en directo, tomaron como fío condutor o repertorio da aldea de Moscoso (Pazos de Borbén) e realizaron unha revisión do material recollido por Xisco Feijóo ás informantes Rosa e Aída Garrido.
No seu segundo álbum, Lugar A Ponte, que acaban de publicar este ano, o grupo déixase levar a través doutras estéticas. Trátase dun traballo intimista co que Caldo ten creado historias, letras e melodías cheas de recordos, no que cada tema representa un vínculo, un momento de cambio, unha relación ou unha perda.

A música encherá este martes 18 de xullo o Castelo de Sobroso da man do grupo Caldo, cun concerto enmarcado no programa da Deputación de Pontevedra “Tras as Ameas”. A deputada provincial Nava Castro asistirá a esta cita na que o trío integrado por María Jorge (violín), Anaïs Barbier (voz e pandereta) e Pedro Fariñas (guitarra e gaita) ofrecerán unha proposta a base da fusión de melodías tradicionais galegas e composicións propias, con influencias das músicas europeas e atlánticas. A actuación comezará ás 22 horas diante da fachada do Castelo e ten xa todas as entradas esgotadas.
Caldo, afincado no Val Miñor, achega a música tradicional a contextos sonoros contemporáneos a través da experimentación cos propios instrumentos. Foi gañador ao Mellor Proxecto de Música Folk nos Premios Martín Códax da Música e do Concurso Fran Pérez “Narf” no ano 2020. Para o seu primeiro disco, gravado en directo, tomaron como fío condutor o repertorio da aldea de Moscoso (Pazos de Borbén) e realizaron unha revisión do material recollido por Xisco Feijóo ás informantes Rosa e Aída Garrido.
No seu segundo álbum, Lugar A Ponte, que acaban de publicar este ano, o grupo déixase levar a través doutras estéticas. Trátase dun traballo intimista co que Caldo ten creado historias, letras e melodías cheas de recordos, no que cada tema representa un vínculo, un momento de cambio, unha relación ou unha perda.

























Normas de participación
Esta es la opinión de los lectores, no la de este medio.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
Normas de Participación
Política de privacidad
Por seguridad guardamos tu IP
216.73.216.155