"O pasado martes o goberno municipal, encabezado por Almuiña, retiraba as barreiras e abrían ao público o renovado Paseo Pinzón de Baiona. Tras un retraso inxustificado e estando en tempada estival, o novo goberno considerou oportuno abrir o espazo en días de choiva para, posiblemente, evitar afluencia de xente e comentarios positivos ou calquera posible debate que non beneficie directamente a Almuiña" critican dende o PSOE local.

"Tras 6 meses de traballo e unha inversión de aproximandamente 1.100.000€, dos cales a Deputación de Pontevedra aporta o 45%, os veciños e veciñas de Baiona teñen que ver como a novo equipo de goberno menosprecia o traballo feito polo anterior mandato" sinalan.

"Almuiña esconde as inversións feitas polo exalcalde socialista, Carlos Gómez, rompendo así o respeto institucional que históricamente houbo ás labores e xestións realizadas por outros alcaldes, tal e como se fixo coa inauguración do Multiusos de Sabaris, invitando e recoñecendo o traballo de Ángel Rodal" explican os socialistas.