A Concellería de Medio Ambiente do Concello de Baiona informa de avarías en dous camións do lixo.

Desde a Concellería puxéronse en marcha medidas extraordinarias para dar cobertura ao servizo e resolver esta situación. Aínda así, pódese producir algunha perda de calidade no servizo, polo que se pide á cidadanía, na medida dos posible, atrásese o depósito de residuos e fágase un uso o máis estrito posible.

A Concellería de Medio Ambiente pide de antemán desculpas á veciñanza pola molestias que estas incidencias poidan ocasionar.

Desde o departamento municipal destacan a falta de xestión por parte do anterior equipo de goberno do parque móbil encargado da recollida de residuos: “Atopámonos cunha situación na que a gran maioría da frota de vehículos non está en condicións:  está obsoleta ou con continuas averiás, o que nos levou á actual situación nun dos meses nos que se xera maior cantidade de residuos no municipio. Todo iso atende a unha falta de previsión de renovación desta frota, que nos últimos anos fose necesaria unha reposición para dar o mellor dos servizos á cidadanía de Baiona”.