Coa chegada do bo tempo e as vacacións, a nosa pel atópase máis predisposta ao dano solar e ao melanoma. A maior exposición solar sumada ao aumento da esperanza de vida, son as principais causas da incidencia do cancro de pel na poboación, que se ve incrementado ao non estar tan habituados a pasar tempo ao aire libre.

A Dra. Dolores Sánchez-Aguilar, especialista do Servizo de Dermatoloxía do Hospital HM Rosaleda de Santiago de Compostela, afirma que “as manchas solares adoitan ser as consultas máis frecuentes durante o verán. A aparición dunha lesión na nosa pel con tendencia a persistir e crecer no tempo débenos levar a unha revisión co especialista, un lunar que cambia de aspecto, cambia de cor, de tamaño, que comeza a picar ou que sangra son signos de alarma que nos obrigan a consultar ao especialista".

Entre as recomendacións da dermatóloga de HM Rosaleda están “están evitar a exposición directa ao sol entre as 12 e as 5 da tarde. É moi recomendable consultar o índice de radiación ultravioleta na zona na que nos atopemos, así como aplicar fotoprotector, en cantidade suficiente e repetir a aplicación cada dúas horas ou sempre que nos bañemos". Ademais, hai un sector da poboación que debe ter máis coidado, os nenos pequenos non deben expoñerse ao sol de forma directa”.

Na praia é aconsellable usar gorro e lentes de sol, así como protexer rexións máis esquecidas, como as orellas e os pés. Ademais de aplicar estas recomendacións nos ambientes de praia, hai que ter en conta que estas medidas deben adoptarse sempre que nos expoñamos ao sol tamén ao pasear ou ao realizar actividades ao aire libre. Deben ter especial coidado as persoas de pel clara, ollos azuis, louros ou roxos.

O fotoprotector solar, o noso aliado
No servizo de Dermatoloxía de HM Rosaleda explican a necesidade de aplicar correctamente o fotoprotector solar, un elemento indispensable durante todo o ano para evitar os danos solares na nosa pel. A doutora Sánchez Aguilar desmente as teorías que avalan que as cremas solares conteñen substancias tóxicas como o petróleo, que nos últimos meses popularizáronse nas redes sociais. "Debemos utilizar aqueles fotoprotectores que cumpran a normativa europea, que debe estar reseñada no envase, desta forma asegurámonos que a súa composición é a correcta e que cumpre toda a normativa e avais de garantía", sinala.  

O sol sí, pero con sentido común
Algunhas enfermidades dermatolóxicas melloran coa exposición solar, pero moitas outras poden desencadearse ou empeorar tras a exposición á radiación ultravioleta. As patoloxías que se caracterizan por presentar fotosensibilidade, poden levar a brotes nesta época do ano. "O que realmente é bo son as vacacións e gozar do tempo libre, tanto no mar como na montaña, pero con sentido común", sinala doutora de HM Hospitales. "Algunhas enfermidades dermatolóxicas, como a psoriase, a dermatite atópica ou a acne mellorarán coa exposición solar, pero sempre adoptando as medidas de protección axeitadas".