Tras o éxito das pasadas edicións e ante a demanda existente, o Concello do Porriño pon en marcha unha cuarta quenda do programa de dixitalización para mulleres Galegas Dixitais.

A actividade formativa desenvolverase entre os días 3 de outubro e o 14 de novembro no Multiusos de Torneiros. O horario será de tarde, de 16 a 21 h..

“O obxectivo deste curso é mellorar a empregabilidade, impulsar o emprendemento e reducir a fenda de xénero”, explicou a concelleira, Rosario Costas, “Como nas pasadas edicións, todas as participantes recibirán gratis un ordenador portátil co que realizar o curso e, unha vez finalizado, poñer en práctica o que aprenderon”.

O programa formativo contempla tres bloques de 40 horas de duración cada un deles: Competencias Dixitais Básicas, Competencias Dixitais Avanzadas e Competencias Dixitais para o Emprendemento.

As interesadas poden inscribirse enviando un email a orientacion@porremprego.org ou orientacion@oporrino.org, tamén presencialmente nas oficinas de Porremprego, ou chamando aos teléfonos 604 039 575 ou 986338217.
Esta formación está financiada polos Fondos Europeos NextGenerationEU e o Plan de recuperación, transformación e resiliencia.