A concellería de Participación Cidadá pon en marcha un ciclo de cinema en lingua galega cos obxectivos de promover a participación nun ocio que fomente, dun xeito lúdico e atractivo, o uso da lingua galega entre a cidadanía, dando a coñecer as últimas novidades no cinema galego.

Deste xeito, coa colaboración da Deputación de Pontevedra, proxectaranse tres das últimas películas do cinema galego con máis éxito: “As bestas”, gañadora do Goya a mellor película, é thriller con tintas de drama, sitúase nunha aldea case deshabitada de Galicia, e está baseada nun suceso real acontecido no rural galego no ano 2010. A película proxectarase no Auditorio do Centro Dotacional de Torroso o próximo sábado 23 de setembro ás 21:30.

No mes de Outubro, a película que se proxectará será “O corpo aberto”, nominada a 19 premios Goya e gañadora de 12 premios Mestre Mateo, entre o que destaca o de Mellor Longametraxe. Baseada nun relato do escritor Xosé Luis Méndez Ferrín,  uns dos autores más representativo da literatura galega contemporánea, “O corpo aberto” é unha película de terror ambientada na Galicia de principios do século pasado. A longametraxe será proxectada o próximo 21 de outubro no Centro Dotacional de Torroso.

Por último, no mes de novembro, concretamente o día 18, proxectarase a película “Matria”, mostra do cine social, anclado na realidade, feminista e reivindicativo, onde a inercia do patriarcado, a sororididade e a realidade das mulleres galegas fúndense neste relato da cotianidade da vida de Ramona, a protagonista da mesma.