O presidente da Deputación de Pontevedra, Luis López, mantivo esta semana un encontro de traballo co presidente da Federación Galega de Caza, Francisco Couselo. Durante a reunión, ambos os dirixentes analizaron a situación desta actividade nos montes da provincia, así como a saúde das poboacións das especies cinexéticas, a variación do número de licenzas e as necesidades que teñen os cazadores.