Abel Caballero deu conta esta semana do capítulo de investimentos do Orzamento municipal para 2024 que acada os 37,4 millóns de euros, un 9% máis ca o ano anterior, nun orzamento que “aumenta todo o gasto: social, de servizo e de forma moi importante os investimentos”.

Ademais, o Concello agarda “incorporar 13,5 millóns de euros de fondos europeos” superando así os 50 millóns de euros que, sumados aos 55 millóns de euros que se atopan en execución nestes momentos, superan a cifra de 100 millóns de euros en investimentos municipais para o exercicio 2024.

O rexedor valorou o incremento do investimento que permitirá “seguir transformando Vigo” e que contempla “máis gasto en política de benestar para que a xente viva mellor, máis deducións de impostos e un aumento moi importante no deporte, en medio ambiente...que significan calidade de vida”.