O Ministerio de Transición Ecolóxica publicou a modificación do "Plan de Desenvolvemento da Rede de Transporte de Enerxía Eléctrica 2021-2026", asignando 72 millóns de euros para a nova subestación, unha inversión salientada polo rexedor vigués como "importantísima". Segundo o alcalde, Teresa Ribera, vicepresidenta terceira, xa adiantara este compromiso en febreiro, e agora cristaliza no documento, indicando que a instalación está proxectada para o 2026.

No documento do Ministerio de Transición Ecolóxica, todos os proxectos de modificación do Plan de Desenvolvemento da Rede de Transporte de Enerxía Eléctrica 2021-2026 alcanzan os 321,2 millóns de euros, sendo os 72 millóns asignados á cidade "a maior partida dentro de todos os proxectos de modificación". Caballero felicitouse, destacando que "isto é o que a planta de Stellantis demandaba, e agora xa o temos publicado e concedido", subliñando que "o Goberno de España cumpre con Vigo".