A delegada territorial da Xunta de Galicia en Vigo, Ana Ortiz, realizou unha visita este xoves aos alumnos do obradoiro "Melloras e reformas de centros formativos e cívicos", que ten como obxectivo formar a 20 persoas desempregadas durante o vindeiro ano. Este curso, financiado con 531.000 euros pola Consellería de Promoción de Emprego e Igualdade, comezou nas instalacións do Centro de Desenvolvemento Local de Salceda de Caselas.

Segundo detallou a representante autonómica, os participantes recibirán formación en diversas áreas, como operacións auxiliares de revestimentos en construción, albanelaría de fábricas e cubertas, carpintería e moble, así como mecanizado de madeira e derivados.

Ana Ortiz animou aos alumnos a aproveitar a oferta formativa e laboral para mellorar as súas posibilidades de conseguir un emprego. "A formación que recibides durante o último ano é unha porta aberta ao mercado laboral, e tanto a comarca como o resto de Galicia, a sociedade e as empresas, necesitan persoas formadas. Aquí tes a túa oportunidade", subliñou.