A Xunta de Galicia reclama que se habilite unha instalación provisional no Colexio CEIP Plurilingüe Praza de Barcelos, en Pontevedra, mentres que a empresa responsable dos destrozos ocasionados non repare os danos producidos no ximnasio do centro, cuxo estado non permite a súa utilización.

Así llo demandou onte o xefe territorial de Educación en Pontevedra, César Pérez Ares, á Concellaría de Educación do Concello de Pontevedra, nunha reunión de traballo na que tamén participaron o director do colexio e técnicos da Xefatura Provincial, co fin de avaliar a situación xerada por unhas obras alleas ao centro educativo.

No decurso da mesma púxose de manifesto que a responsabilidade íntegra de reparación dos danos causados atinxe á empresa que os provocou e, dado que o inmoble é de titularidade municipal, esta reclamación debe facela directamente o Concello de Pontevedra.

Neste senso, Xunta e Concello coincidiron en requirirlle á empresa que poña en marcha as medidas urxentes pertinentes para a reconstrución do ximnasio. Mestres tanto, desde a Xunta continuarase en permanente contacto coa dirección do centro educativo para facer un seguimento da situación. En todo caso, cómpre subliñar que a seguridade da comunidade educativa está garantida.