A marca dos catro aros, Audi, celebra un feito histórico coa vitoria no Rally Dakar 2024 a bordo do Audi RS Q e-tron, un prototipo de baixas emisións con propulsión eléctrica. A parella española formada por Carlos Sainz e Lucas Cruz conquistou o primeiro triunfo de Audi no rally do deserto, percorrendo uns impresionantes 7.900 quilómetros con 1 hora e 20 minutos de vantaxe sobre o segundo clasificado. O RS Q e-tron, co seu sistema de tracción integral eléctrica, destacou pola súa eficiencia, aforrando un 60% de emisións de CO2 en comparación cos combustibles convencionais.

O CEO de AUDI AG, Gernot Döllner, felicitou ao equipo Audi Sport polo logro e destacou a importancia deste hito na transición cara ao futuro eléctrico da marca. Este é un paso significativo para Audi, consolidando a súa posición como pioneiro en innovación tecnolóxica no mundo do motor. O vehículo eléctrico RS Q e-tron competiu con éxito fronte a duros competidores como Toyota, Ford e Prodrive, demostrando a súa fiabilidade e rendemento.

Carlos Sainz e Lucas Cruz lideraron a competición desde a sexta etapa, mantendo unha vantaxe constante. Esta vitoria marca a cuarta para a parella, cada unha con marcas diferentes, e a segunda baixo o Grupo Volkswagen. A dirección perfecta de Audi Motorsport, xunto coa colaboración táctica das demais parellas do equipo, contribuíron ao éxito neste rally desafiante.

O Audi RS Q e-tron, evolucionado en tres anos para gañar, representa o compromiso de Audi coa innovación. Bixo a dirección técnica de Leonardo Pascali, o equipo logrou outro fito histórico, consolidando a traxectoria de Audi como pioneiro en tecnoloxía automotriz. O prototipo eléctrico non só destaca pola súa eficiencia, senón tamén pola súa tracción integral quattro e outras tecnoloxías avanzadas, reforzando o lema de Audi "A la Vanguardia de la Técnica". Con este trunfo, Audi abre novos horizontes para a mobilidade eléctrica no ámbito do motorsport.