O alcalde mantivo unha xuntanza coa directiva de Conxemar na que avanzaron na colaboración para poñer en marcha un proxecto que acerque o consumo dos produtos do mar á rapazada.

Abel Caballero informou que o Concello pon a dispor de Conxemar un espazo no Mercado do Berbés, sen interromper a acción do Mercado, para levar adiante esta iniciativa. "Hai que seguir familiarizando os produtos do mar cos mozos e mozas, é un consumo saudable e con alto nivel proteico", expresou o rexedor.