O actual presidente e candidato do Partido Popular de Galicia á Xunta, Alfonso Rueda, fará unha parada no Porriño o vindeiro domingo, 11 de febreiro, para presentar o seu proxecto, o da Galicia que funciona, o da unidade, cumprimento, solucións, xestión, experiencia, confianza, estabilidade e dignidade.

Este evento contará co acompañamento do alcalde porriñés, Alejandro Lorenzo, que o avala unha ampla e histórica maioría absoluta acada nos últimos comicios municipais; do presidente do PP provincial e presidente da Deputación de Pontevedra, Luis López, e da candidata número 2 pola provincia de Pontevedra, Patricia García.

O acto, que terá lugar no Restaurante Manolo ás 14.30 horas, será un mitin con xantar, onde todas as persoas asistentes estarán convidadas a degustar os típicos callos do Porriño.

Ademais, o evento estará amenizado coa actuación musical protagonizada por Lis Pardo e Antonio Barros, quenes interpretarán o tema “Xuntos”, convertido no “himno” da “Galicia Funciona” e da campaña electoral do PPdG.