O Concello do Porriño anuncia a reprogramación das festividades do Entroido, que foron adiadas debido ás inclemencias meteorolóxicas. As datas fixadas son os días 24 e 25 de febreiro, onde se retomarán os eventos con horarios inalterados e o pregón a cargo de AFAGA dará o pistoletazo de saída.

O desfile de comparsas terá lugar o sábado 24, seguido do emotivo enterro da sardiña no domingo 25, onde as rúas da vila se encherán de luto para despedir a festividade ata o ano seguinte.

O sábado 24, o pregón de Afaga Alzhéimer dará comezo á festa, seguido do desfile de comparsas ás 18:00 horas desde o pavillón municipal. A programación manterase igual que a prevista, agás polo concerto dos Gin Tonic´s, que será substituído por Los Coleguitas.

O domingo 25, manterase a mesma programación coa celebración do velorio e enterramento da Sardiña, xunto coa actuación da Turre´s Band como peche das festividades.

O Concello do Porriño agradece a todas as comparsas, grupos musicais e de animación a súa colaboración e disposición para que o Entroido, aínda que adiado uns días, sexa celebrado con todo o esplendor.