A segunda proba da Pontevedra Trail League 2024 está lista para emocionar aos amantes do trail. O domingo 03 de marzo, o Trail Adventure Muiños do Folón levará aos corredores a través dos impresionantes paisaxes do Rosal.

Con duas distancias dispoñibles, 21 km para o Trail Adventure e 12 km para o Trail Advance, e un máximo de 250 participantes en cada unha, esta carreira promete ser unha experiencia única. O percorrido levará aos corredores por un dos lugares máis espectaculares de Galicia, os Muíños do Folón, declarados Ben de Interese Cultural pola Xunta de Galicia.

Aínda que o desnivel non é significativo, o cambio constante de terreo, a orografía e a climatoloxía desafiante fan que esta sexa unha proba esixente que require unha boa preparación.

Para conmemorar a participación na carreira, entregarase aos corredores unha camiseta conmemorativa de deseño colorido, co eslogan "paraíso natural", que reflicte a beleza dos Muíños do Folón. Ademais, durante o evento porase á venda unha edición limitada destas camisetas cun fin solidario: recadar fondos para a Asociación Española contra o Cancro.