A provincia de Pontevedra rexistra unha media de 35 días ao ano con mala calidade do aire, segundo revela un estudo realizado polo Instituto de Saúde Global de Barcelona (ISGlobal).

Este estudo, desenvolvido co apoio da Fundación ‘‘la Caixa'' e o respaldo do Barcelona Supercomputing Center (BSC), sinala que a contaminación atmosférica reduciuse de forma «considerable» nas últimas dúas décadas na maioría dos países europeos. Non obstante, entre o 80 e o 98 % da poboación europea vive en zonas que superan os niveis máximos recomendados pola Organización Mundial da Saúde (OMS) en termos de contaminantes.

Galicia, en xeral, atópase entre as comunidades autónomas de España con aire máis limpo, agás no caso das partículas en suspensión PM2,5, onde as provincias de A Coruña e Pontevedra rexistran cifras máis negativas. En concreto, acumulan 35,5 e 10 días ao ano, respectivamente, por enriba dos valores fixados pola OMS, en comparación cos 2,1 de Ourense e 1,2 de Lugo.

Estes datos distan dos rexistros de outras cidades como Barcelona, Baleares, Castellón, Alicante, Huelva, Granada e Jaén, que presentan os peores índices do país con máis de 50 días de mala calidade do aire ao ano. Os investigadores analizaron os niveis de contaminación de máis de 1.400 rexións de 35 países europeos entre os anos 2003 e 2019 para elaborar este estudo.