As recentes noticias sobre posibles conflitos globais xeraron preocupación en gran parte da poboación mundial. Estamos diante o inicio da terceira Guerra Mundial? Os titulares alarmantes sobre as ameazas de Putin e os informes sobre a preparación militar de China levaron a moitas persoas para considerar seriamente a posibilidade de tomar medidas para un futuro incerto.

É comprensible que diante de tales incertezas, algúns individuos estean a tomar medidas para protexerse a si mesmos e aos seus seres queridos. A procura de refuxios seguros, como sotos ou pisos inferiores de edificios resistentes, converteuse en algo real para aqueles que temen os efectos dun posible conflito armado.

Os chamados "preparacionistas" están xa preparando kits de supervivencia que inclúen alimentos non perecedoiros, auga almacenada e subministracións básicas para enfrontar situacións de emerxencia. Ademais, hai estudos que indican que a procura na internet de medicamentos de emerxencia e outros artigos esenciais como máscaras, traxes de plástico, lanternas, baterías,… experimentou un aumento significativo nos últimos tempos.

Este clima de medo e incerteza levou ás persoas para informarse sobre os plans de emerxencia existentes de autoridades locais e nacionais, buscando orientación sobre como reaccionar en caso dun evento catastrófico. Despois da experiencia da pandemia, onde a fraxilidade das nosas sociedades quedou exposta a mercé dos elementos sen que os gobernos soubesen como reaccionar, é comprensible que a xente estea a buscar formas de protexerse diante posibles crises futuras.

En última instancia, aínda que esperamos o mellor, é sensato estar preparados para o peor. A historia ensinounos que a paz é fráxil e que a preparación diante de situacións adversas pode marcar a diferenza entre a supervivencia ou a morte. En tempos de incerteza, a prudencia e a previsión poden ser nosas mellores aliadas.