O presidente da Xunta en funcións, Alfonso Rueda, advertiu que a prórroga dos Orzamentos Xerais do Estado (PGE) fará que Galicia "reciba de novo o peor orzamento do Estado dos últimos anos". Esta situación, segundo Rueda, fará que Galicia continúe recibindo a metade da inversión territorializada que Cataluña. Rueda lamentou que o Goberno central "renuncie" a intentar sacar adiante os presupostos de 2024 tras a convocatoria de eleccións en Cataluña, o que "ten consecuencias e ningunha beneficiosa para as comunidades".

Nunha liña semellante, o conselleiro de Facenda e Administración Pública en funcións, Miguel Corgos, asegurou que a falta de orzamentos no Estado "causa incertezas, falta de estabilidade e merma de recursos nas comunidades", algo que, segundo engadiu Rueda, pode afectar a servizos esenciais como "a sanidade, as infraestruturas ou o pago a proveedores". Corgos urxiu ao Executivo central a actualizar o antes posible as entregas a conta do sistema de financiación autonómica, tendo en conta a nova previsión de ingresos.

Repercusións negativas da prórroga

Segundo o informe avaliado polo Consello, a prórroga anunciada polo Goberno central podería afectar a áreas relacionadas coa sanidade, a dependencia, as infraestruturas, o pago a proveedores ou mesmo ás retribucións do persoal empregado público, entre outras. Ademais, tamén afectará aos obxectivos de estabilidade presupuestaria e de débeda pública das Administracións territoriais e ás retribucións dos empregados públicos, que quedan conxeladas. Esta situación podería estenderse aos proveedores do sector privado, que poderían verse afectados pola falta ou retraso nos pagamentos por parte das administracións.