Esta xuntanza encádrase na rolda de reunións comarcais que o movemento laborista está realizando ao longo do País no seu proceso constituínte que culminará en novembro.

Luis Baena Blanco ten 39 anos, creceu no barrio de San Roque e actualmente vive na parroquia de Lérez. Traballa como educador social nun centro de menores especializado en saúde mental no concello de Ponte Caldelas.

Segundo Baena, “en Pontevedra existe un gran número de veciñas e veciños progresistas que non se senten representados polo PSdG nin polo BNG. Sumar debe ocupar ese espazo para traballar na mellora da vida da xente”.

Entre os próximos obxectivos márcanse as eleccións europeas e “pouco a pouco, traballar para construír unha alternativa progresista nas vindeiras eleccións municipais”.