O último Estudo Xeral de Medios deste ano revela de novo o extraordinario liderado da Televisión de Galicia nas audiencias. Os datos do estudo, publicados este xoves, destacan a TVG como o canal máis visto en Galicia, cunha participación do 21% de segunda a venres e do 20,6% ao longo da semana.

A TVG lidera cunha vantaxe de 6,4 puntos sobre o competidor máis próximo, a Antena 3, de luns a venres, e de 8,3 puntos sobre a outra canle pública que emite en Galicia, a TVE, con un 12,7%.

A lideranza informativa consolídase na franxa do mediodía

Durante a franxa do mediodía (entre as 13:00 e as 17:00), especialmente coa emisión do "Galicia Noticias" e do "Telexornal Mediodía", a TVG alcanza unha cota de pantalla do 34,9%, mentres que o competidor máis próximo, a Antena 3, sitúase cun 16,7%. A seguinte canle pública, a TVE, ten unha media durante este tempo de emisión do 12,5%.