O Concello acolle a chegada de 17 novos membros ao seu persoal. O Departamento de Vías e Obras suma cinco novas contratacións, incluíndo oficiais de carpintería, soldadura e albanelería, xunto con dous peóns de obra pública. Ademais, o Departamento de Parques, Xardíns e Limpeza incorpora seis peóns forestais. Outras áreas municipais tamén se beneficiaron, coa contratación de tres conserxes, unha publicista e un analista de xestión e organización ou estatística.

Estas contratacións, cun investimento total de 292.000 euros, son posibles grazas ao apoio do Plan + Provincia da Deputación de Pontevedra, que contribuíu con 211.000 euros, e á aportación municipal de 81.000 euros.

O alcalde, Alejandro Lorenzo, e a concelleira de Emprego e Formación, Rosario Costas, saudaron hoxe aos novos membros do equipo municipal, destacando a súa importancia para ofrecer un mellor servizo á veciñanza e impulsar o emprego na zona.