VII Edición do Trofeo de Patinaxe Artística Vila da Rosa en Mos

O pavillón Oscar Pereiro de Mos acollerá os vindeiros 22 e 23 de xuño a VII edición do Trofeo de Patinaxe Artística Vila da Rosa. Organizado polo club de patinaxe artístico Blossom, este evento reunirá a máis de 325 patinadores procedentes de diversas rexións galegas, así como de Cantabria e León.

Durante dous días, os participantes competirán nas modalidades de Libre e Show. A modalidade de Libre incluirá grupos que van dende o nivel 1 ata o 10, mentres que na modalidade de Show, os patinadores competirán en cuarteto, show grande promocional e show pequeno promocional.

Este trofeo, que conta co recoñecemento da Federación Galega de Patinaxe, chega á súa séptima edición, consolidándose como un referente no ámbito da patinaxe artística en Galicia. O club Blossom, de recente creación no municipio de Mos, é o encargado de continuar coa organización deste evento, promovendo o deporte e a cultura na comunidade.