López Campos asiste á colocación da estrela do cineasta David Trueba no Festival de Cans

O conselleiro de Cultura, Lingua e Xuventude, José López Campos, asistiu hoxe á colocación da estrela ao cineasta David Trueba, outorgada polo Festival de Cans na súa vixésimo primeira edición.

David Trueba, xornalista, novelista, guionista e director cinematográfico, é un dos nomes máis destacados do panorama cinematográfico español dos últimos anos. Entre as súas obras máis recoñecidas atópanse "Vivir es fácil con los ojos cerrados", "Soldados de Salamina" e a máis recente "Saben aquell".

Ademais desta homenaxe, Trueba participará ese mesmo día nun coloquio coa veciñanza e cos visitantes que se acheguen a participar no último día deste coñecido certame, celebrado na aldea de Cans, no Porriño.