O presidente da Deputación de Pontevedra, Luis López, participou este sábado nos actos da vixésimo primeira edición do Festival de Cans no Concello do Porriño. Acompañado polo alcalde e deputado provincial, Alejandro Lorenzo, e o conselleiro de Cultura, José López Campos, o mandatario provincial asistiu á conferencia do cineasta David Trueba e ao acto de colocación da estrela do autor no Torreiro de Cans.

A Deputación de Pontevedra respalda a realización de varios festivais de cinema na provincia, incluído o de Cans, como un exemplo do talento audiovisual local e do rico patrimonio cultural e turístico da rexión.