O concello de Salceda de Caselas completou a primeira fase do seu Plan Anual de Desbroces, iniciado en febreiro. Este proxecto, parte do compromiso electoral do equipo de goberno, pretende realizar un mantemento planificado e ordenado das principais vias e camiños de propiedade municipal.

O proceso, que se realiza de forma escalonada nas diferentes parroquias, emprega maquinaria pesada, como tractores con brazo articulado, e persoal con equipamento manual para zonas de acceso complicado.

A alcaldesa de Salceda, Loli Castiñeira, sinalou a importancia deste plan para a prevención de incendios e a seguridade viaria. Destacou tamén o compromiso do concello coa veciñanza.

Dentro deste plan, tamén se contempla o desbroce de espazos públicos, áreas recreativas e sendeiros fluviais. O concello desbrozou preto de 190 km de viarios e camiños municipais, ademais de sendeiros como os do río Caselas, Landres e Lagoela. Tamén se ocupou do perímetro de máis de 190 propiedades municipais e realizou tarefas de limpeza de espazos públicos.

O concello, ademais, destinou fondos do Plan Máis Provincia da Deputación de Pontevedra para a limpeza de espazos públicos e zonas de paso do alumeado público.

Nos vindeiros días, 4 novas persoas uniranse ao equipo de desbroces, formando parte de diferentes programas de emprego, para levar a cabo a segunda fase do Plan.