O director xeral de Loita contra a Violencia de Xénero, Roberto Barba, acompañado da alcaldesa de Mos, Nidia Arévalo, e o concelleiro mosense de Igualdade, Leo Costas, visitaron onte as instalacións da Asociación de Empresarios de Mos (AEMOS) para manter unha reunión cos seus responsables.

Durante o encontro, abordouse a inserción laboral das mulleres vítimas de violencia de xénero e exploráronse diversas fórmulas para acadar este obxectivo. Roberto Barba subliñou a importancia de crear oportunidades laborais para estas mulleres como un paso crucial para a súa recuperación e independencia.

O resultado da reunión foi a sinatura dun convenio entre o Goberno galego e a patronal mosense, que formaliza a colaboración para promover a inserción laboral deste colectivo. Este acordo reflicte o compromiso de ambas partes de sumar esforzos e recursos para mellorar a empregabilidade das mulleres que sofren ou sufriron violencia de xénero.