Continúan as obras de acometida da rede de saneamento no entorno da Estrada N-550 ao seu paso por Louredo. Estes traballos contan co apoio e colaboración da Xunta de Galicia mediante un convenio asinado polas administracións autonómica e local mosense.

Financiamento

As actuacións subvencionadas a través deste convenio ascenden a un custo total de 22.648,32 €. Augas de Galicia financia o 80% do importe total final da actuación, ata un máximo de 18.118,66 €, con cargo á anualidade 2024. O Concello de Mos asume o 20% restante do importe.

Obxectivo

O principal obxectivo destas obras é permitir que o servizo de saneamento chegue á máxima extensión posible do concello. Os traballos consisten na canalización das diferentes tubaxes de PVC destinadas á rede de saneamento, incluíndo todas as operacións complementarias: excavacións, pozos, reposicións e máis. En concreto, levarase a cabo a execución de 187 metros lineais de saneamento na parroquia de Louredo.

Detalles

Para a instalación do alcantarillado, realizaranse traballos de demolición e actuacións previas, que inclúen o corte e demolición do pavimento en todos os ramais, onde se prevé repoñer o firme na zona de apertura da zanja. Procederase á excavación da zanja e posterior recheo e compactación da mesma.

A conexión da rede de saneamento farase mediante a instalación dun colector de PVC de Ø315, que dotará de saneamento ás vivendas situadas nos marxes das zonas obxecto de estudo e que actualmente carecen deste servizo.

Unha vez conectada a rede de saneamento, procederase á reposición da zanja con pavimentación de 20 cm de zahorra e 5 cm de mestura bituminosa en quente tipo D-12. O prazo estimado para a execución das obras é de seis semanas.

Estas obras supoñen unha mellora significativa na calidade de vida dos residentes de Louredo, garantindo un entorno máis saudable e sustentable. Ademais, esta infraestrutura é esencial para o desenvolvemento e benestar da comunidade local, permitindo que máis fogares accedan a servizos básicos de saneamento.

Estas accións reflicten o compromiso do Concello de Mos e da Xunta de Galicia co desenvolvemento e modernización das infraestruturas locais, traballando conxuntamente para mellorar os servizos e a calidade de vida dos cidadáns.