Licitada a obra da grada de Gol que completará Balaidos

Vigo ven de aprobar a licitación para a construción da grada de Gol do Estadio Municipal de Balaídos cun importe de 25,5 millóns de euros, financiado ao 50% coa Deputación de Pontevedra. Tamén no ámbito deportivo o goberno local comeza coa tramitación para a renovación dos vestiarios de todos os campos de fútbol municipais.

Segundo describiu o rexedor, a grada de Gol “será unha copia da de Marcador, con proximidade ao terreo de xogo, bos asentos, boa visibilidade, cuberta e a estética dun gran campo de fútbol”.