A concelleira do Concello de Redondela, Pilar Martínez, anunciou a súa renuncia á acta de concelleira por motivos de saúde. Martínez afirmou que “o meu compromiso coa cidadanía de Redondela sempre foi total, e nestes momentos, por motivos de saúde, non podo estar ao 100% nas miñas responsabilidades, por iso decido dar un paso a un lado”.

Médico pediatra de profesión, formaba parte do goberno local desde xuño de 2023 e deixa en marcha importantes proxectos, como o Consello Municipal de Saúde e o programa de Atención Temperá para a poboación infantil de 0 a 6 anos. A edil tamén desenvolveu paseos “eco-saudables e cardio-saudables” en diferentes sendeiros do municipio.

A alcaldesa, Digna Rivas, expresou o seu “máis profundo e sincero agradecemento” por “a gran labor” realizada por Martínez e subliñou o seu compromiso coa sociedade redondelá. Alberto Álvarez pasará a substituíla na concellería.