Lorena Patiño e Lucas Lozano brillan nas Pontes co ouro no Campionato de España de ciclocrós

A segunda xornada do Campionato de España de ciclocrós, celebrado no circuíto do lago das Pontes, deixou un saldo excepcional para o ciclismo galego. Lorena Patiño e Lucas Lozano, veciños de Marín, conquistaron os títulos estatais nas súas respectivas categorías, defendendo as cores da Selección de Galicia. A júnior Patiño revalidou o seu dominio ao alcanzar o ouro por terceiro ano consecutivo, mentres que Lozano estreou o seu palmarés con unha actuación impecable na categoría cadete.

Lorena Patiño confirmou a súa condición de favorita nun trazado marcado pola lama. Desde o inicio da proba xuvenil, impuxo un ritmo que lle permitiu distanciarse da vasca Irati Aranguren e ampliar a vantaxe ata cruzar a meta como gañadora. Pola súa parte, Lucas Lozano liderou a carreira cadete desde o principio, deixando atrás a Pelayo Gancedo (Asturias) para conseguir o ouro cunha marxe de 42 segundos sobre o segundo clasificado.

A actuación galega completouse cunha destacada colleita de medallas nas probas Máster. Marcial Rodríguez proclamouse campión en 60-A, mentres que Marina González (40-B) e Diego Álvarez (30-A) lograron pratas. Os bronces foron para Eloy Otero (50-A), Nazaret Casal (40-B) e Alejandro Mesías (40-B).