A Eurocidade Tui-Valença arranca a tempada de andainas cun percorrido entre viñas e vales

A Eurocidade Valença-Tui inaugura este domingo, 11 de maio, o seu ciclo de andainas saudables 2025 cunha ruta que percorrerá paisaxes de viñedos e vales. A saída terá lugar ás 10 horas (ES) dende a igrexa de Ganfei, en Valença, nun percorrido de 7 quilómetros que combina exercicio, natureza e patrimonio.

Esta iniciativa, xa consolidada no calendario da Eurocidade, busca promover a vida saudable e poñer en valor o entorno natural e histórico de ambos concellos. O programa inclúe catro rutas ao longo do ano, con diferentes temáticas e escenarios. Tras a primeira andaina, virán a Sunset Fortaleza (26 de xullo, ás 21:30 h), o Trilho do Adro Velho (26 de outubro) e o Trilho da Veiga da Mira (23 de novembro).

As inscricións, cun custo de 6€ por andaina, poden realizarse a través do teléfono 00 351 934 440 770 ou do correo caminhadas.andainas@gmail.com. Unha oportunidade para descubrir a riqueza transfronteiriza mentres se practica deporte en compañía.